divana احلام في زمن ماضي

نصوص مسرحية و موضيع عامة و رومانسيات و شعر و زجل
 
الرئيسيةالبوابةمكتبة الصورس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» مجموعة الاناشيد الكشفية رائعة
الإثنين سبتمبر 05, 2011 9:51 pm من طرف Admin

» سوف نبقى هنا.. نشيد رائع
الإثنين سبتمبر 05, 2011 9:48 pm من طرف Admin

» أناشيد لم تسمعها من قبل
الإثنين سبتمبر 05, 2011 9:44 pm من طرف Admin

» كيف تكون شخصية كاريزمية
الإثنين يناير 17, 2011 8:05 pm من طرف Admin

» بين الحقيقه و الخيال
الإثنين يناير 17, 2011 7:44 pm من طرف Admin

» الشيشة يالشيشة
الإثنين يناير 17, 2011 12:40 pm من طرف Admin

» احلام في زمن ماضي
الأربعاء ديسمبر 22, 2010 2:01 pm من طرف Admin

» أناشيد الصباح
الثلاثاء ديسمبر 14, 2010 5:46 pm من طرف Admin

» 9albi al saghir ( al afasy)
الثلاثاء ديسمبر 14, 2010 4:58 pm من طرف Admin

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
تسجيل صفحاتك المفضلة في مواقع خارجية
قم بحفض و مشاطرة الرابط divana على موقع حفض الصفحات
أفضل 10 أعضاء في هذا المنتدى
Admin
 
aimadlove
 
hassan
 
more
 
eddahbi
 
rima_scoutwatani
 
achraf
 
youssf
 
Aziz
 
ami de divana
 
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث

شاطر | 
 

 حطِّيتْ راسي عل المخدَّة….طاحوا نقطْ حروفِي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

ذكر
عدد الرسائل : 84
العمر : 31
الموقع : www.bladi-mix.com
المزاج : المسرح و الكشفية و الشعر
تاريخ التسجيل : 05/06/2008

مُساهمةموضوع: حطِّيتْ راسي عل المخدَّة….طاحوا نقطْ حروفِي   الأحد يوليو 27, 2008 3:14 pm





طاحوا نقطْ حروفِي
تشتتْ عْقيقْها
تشتتْ شمْلْها
ضاعُوا معانِيها
وْمَضْمونْها
طاحوا سوالْفْها
طاحت قيمتها
حروفْ بلا نقطْ
فْ زمن كُلُّو نقطْ
أكثر منْ الحروفْ
زمن كلُّو تمارينْ
كُلُّو إمتِحاناتْ
الزمن أستاد
وحنا الطَّلبة
طالْبِينْ السْلاكْ
من صعوبة الإمتحاناتْ
طالْبِينْ التسْلِيمْ
طالبِينْ السلَّة بْلا عْنْبْ
حروفْ الدنيا قلِيلة
نُقَطْها كثارْ
واجَّ ما فَسَّرها
واجَّ ما شكَّلْها
واجَّ ما عرَّبْها
طاحتْ نقطْ حروفِي
تشتْتْ عقِيقها
زَلَّكْتْ دموعِي
فْ خيطْ إيَّامِي
أو حطِّيتْها فْ عنقْ حروفِي
زَلَّكْتْ حروفِي
بْعْقِيقْ دموعِي
أو زيَّنْتْ بيها حياتِي
boussafa charifa ilham 02/06/2008

إلهام شريفة بُصَفا
**
أوراقْ كتابي
**
أوراقْ كتابي يازرابي منسوجة
بخْيوطْ من حريرْ قلبي منجوجة
يا كتافْ ألبّا الحنين العالية
ياجناوح أمي ك أغصان الدّالية
يا ثراب بلادي الغالية
يا عسل النحلة الحر و اللذيذ
يا كسوة صبيّة نهار العيد
يا منبع أصالتي..منبع الشجعان
منبع تاريخنا العريق بكل ألوان
يا ورث لأولادنا العالي البنيان
وراق كتابي..يا أجمل لحظات
عشتها ف بلادي بأحلى النغمات
بأحلام جميلة عمّرها ما تحققاتْ
أحلام مع الوقت والعمر تغيْرات
اليوم أحلامي عمْرتْ الصفحات
مازالة ننسجها لتحقيق الذات
بحروف إلهام الباكية عل الذات
اللي نتفها المرض أو رْشاتْ
ilham charifa boussafa 23/07/2008
****


حطِّيتْ راسي عل المخدَّة
أو تبْعتْها ذاتِي
صحيتْ منْ غُرْقْ النعاسْ
اللِّي كنتْ غرقانة فيه
اللِّي الدَّاتْنِي فيه عينِي
لْ عالم الرَّاحة
كنتْ فْ لذَّة الغرقْ
وْاللِّيتْ فْ حزنْ
غْراقِيتْ فِيهْ
جَرْجَرْنِي
أو لاحْنِي فْ أعْماقُو
ضرباتْنِي الفِيقة

أو ضربْنِي الهمْ
بالمْطارْقْ اللِّي فْ راسِي
رفضْت عينِي تْدِّينِي
أو بْدِيتْ نْقلَّبْ فْ حياتِي
بْديتْ نْتْقلّبْ
نقلَّبْ ذاتِي


نْقلَّبْ على جنبْ الرَّاحة
اللِّي كنتْ غرْقانة فيها
بْغِيتْ نغْرقْ فْ النعاسْ
نغرق فْ راحة العقل
راحة الدَّاتْ
نخرَّجْ راسِي
من غرقْ النهارْ
وْندْخْلُو
فْ غرقْ الليلْ
نْزِيدْ نْغرَّقْ راسِي بِيدِّي
واخا جْبْتْها فْ راسِي
بْغِيتْ نْعْطِي الرَّاحة لْراسي
بْغِيتْ نْ الدِّيها فْ راسِي
وَلَوْ فْ غرقْ النعاس
boussafa charifa ilham 02/06/2008

إلهام شريفة بُصَفا
****
نزلْتْ عليّ شتاء الحروفْ
وْسْقاتْ عْروقِي من هم الظروف
نزلت بأمطارْ الإلهامْ
أو عمْ الخير فْالوجدانْ
كان الجفافْ ف ذاتي
فْ ثرابْ حياتي
واللاّتْ حروفي نُوّارْ
أزهار أو أشجارْ
حكايات أو أشعار
يا شتاء حروفي يالصافية
نزْلِي…نْزْلي
برْدي جوارْحي من العافية
نزلي وْ سقيني
أو بالشِّعر رْوِينِي
اطْفي عذابِي
أو حُلِّي بابي
باب عقلي
باب روحي
أو عيشي فْ ثرابي
فْ ثراب كتابي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aaddak.yoo7.com
Admin
Admin
avatar

ذكر
عدد الرسائل : 84
العمر : 31
الموقع : www.bladi-mix.com
المزاج : المسرح و الكشفية و الشعر
تاريخ التسجيل : 05/06/2008

مُساهمةموضوع: رد: حطِّيتْ راسي عل المخدَّة….طاحوا نقطْ حروفِي   الأحد يوليو 27, 2008 4:19 pm


حكاية بْرَّادِي

البْرَّادْ كانْ وْسْطْ الحْبابْ يْضْوي أو مْعَزَّزْ

مللِّي هجْرُوه واللاّ مسْكِينْ مْصَدِّي أو مْخَزَّزْ

كانت الكيسانْ ماتْخْطاها دْكَّة ولا رْزَّة
إيعَمَّرْها وِ زيدْها بْحْلاوْتُو أوبالمْعْزَّة
إيضُورُو بيه الأحْبابْ فْ وَقْتْ الهنا أو الحْزَّة

كيسانْ اليوم يا بْرَّادِي فيهُمْ غيرْ الزْواقْ
أتاي اليوم ما فيه لون،لا رْزَّة ولا مداقْ
كٌّلسة اليُوم يابْرَّادي كٌّلْسة المزْرُوبْ المْشْتاقْ

إيه يابْرّادي ياالمْصَدِّي
ياللِّي كان الرُّوحْ إيغَدِّي
دابا مْعَ الزّْمانْ راكْ تْعَدِّي
وانا يابْرّادي وْصَلْتْ لْحَدي
وْأنْتَ ياأتَايْ اليوم وْاللِّيتِي مْرَزَّمْ
فْ الكْواغْط مَطحُونْ أو مْحَزَّمْ
حالْكْ آمسْكِينْ حالْ الزْمانْ المْأَزّمْ
*********************




الجزل المغربي
الخِيرْ وْ الشَّرْ

الخِيرْ وْ الشَّرْ مايْتْفاهْمو بْحالْ النْسَابْ
الخِيرْ كْريمْ أو حْنينْ يْسْتَقْبَلْ من الباب
وْالشَّرْ حاقْدْ،بْخِيلْ بْشُوفَة يْطَيَّرْ الأحْبابْ
إلى سَوْلُو الخِيرْ بِإحْتِرامْ يْرَدْ الجْوابْ
إلى سوْلُو الشَّر يْدْوِي بِيدُّو أوبْلا صْوابْ
الخيرْ بِابْتِسامة إي جاوْبْ في مُنْتَهى الأَداب
والشَّرْ فَمُّو في يْدُّو يْطَيَّبْ الهَضْرَة طِيابْ
الخِيرْ بْكْلامُو الزِّينْ وْحْلاوْتُو يْنَسِّي العْذابْ
أوالشَّرْ منحُوسْ إلى شافِّيكْ سَعْدكْ يْخْيابْ
*****************************
wladbladi
ولاد بلادي
ياولاد بلادي ياصفحة اليوم
ياطاوْيِينْ كتاب الأُمّية أوالجهل
ياشمس مافيها ظالم ولا مظلوم
يامْنْوْرين بْلادنا بالإيمان أوالعقل
ياصفحة خالية من الهموم
ياميزان كُلُّو نظام أو عدل
بنور العِلْمْ حَطْموا جميع القيود
بفضل الرضا أوبفضل الله المعبود
تكون بلادنا أحسن مافي الوجود
ماتحتاجوا تهاجروا أو تْغَرْبُوا
العُنصُرية أو الحُكٌرة اتْجربوا
بلادنا زينة خصْها العقل أوالعلم
أوتعيش فْ تْرابْكْ بالحب أوالسِّلْم

**************


الحق أوالباطل
فينْكْ يالحَقْ ياراوي الضَّمْآنْ
كُنْتِ تَعْتَقْ العَقْلْ الجِّيعَانْ
ياحارْسْنِي أوهازْ راسي وسْطْ العَدْيانْ
فينكْ يا الحقْ يامُولْ القِيمة وْالشَّانْ

فينكْ ياالحَقْ ياقاتْلْ الباطْلْ الشجعان
يامْقَوِّي الرّْزْقْ أو قاطْعْ راسْ اللِّي خانْ
مْخَبِّي مور الباطْلْ،مالْكْ والّليتِي جَبانْ

هُوَ يْرَيّْبْ،إيشتَّتْ أو أنْتَ مقْطُوعْ اللّْسانْ

حاني الرّاسْ أو تْقولْ الله يْحْسَنْ لْعْوانْ
هزْ سيفْكْ ياحَقْ قْبَلْ مايْفُوتْ الأوانْ
رْجَعْ لْقُوْتْكْ يالْحَقْ بْحالْ إيَّامْ زْمان
قْطَعْ سْرْ الباطْلْ أو جْلِيهْ مِنْ الزّمان أولْمكانْ
هز راسك تلقى الشجاعة في قوة الإيمان
تْولِّي قصة الباطل المهزوم فْ كان يامكان
boussafa charifa ilham
إلى كل من بعث لي بكلامه العذب مثل عذوبة ماء مكناس
إلى كل من أذخل علي فرحة وإبتسامة بعباراته الجميلة
أقول
أنا آسفة وحزينة لأنني غيرتُ هذا الكتاب الخياليهكذا أسميه أنا
ومع الأسف ضاعت تعلِيقاتُكُم اللطيفة فلم أقصد مسحها
سامحوني فأنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aaddak.yoo7.com
Admin
Admin
avatar

ذكر
عدد الرسائل : 84
العمر : 31
الموقع : www.bladi-mix.com
المزاج : المسرح و الكشفية و الشعر
تاريخ التسجيل : 05/06/2008

مُساهمةموضوع: رد: حطِّيتْ راسي عل المخدَّة….طاحوا نقطْ حروفِي   الأحد أغسطس 02, 2009 12:03 am

مادام الحب في خيال فالقلب في افضل حال
دامت عليه السنين بجوار حبه المسكين
مرت لحظات جميلة ولكنها كانت قليلة
فهل يبقى قلبي مكانه ام يذهب ليبحث عن حنانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aaddak.yoo7.com
 
حطِّيتْ راسي عل المخدَّة….طاحوا نقطْ حروفِي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
divana احلام في زمن ماضي  :: الفئة الأولى :: الفئة الثانية :: الشعر :: الزجل-
انتقل الى: